පාරු කවි

 ඔන්න මලේ ඔය නාමල නෙළා                           වරෙන්

අත්ත බිඳෙයි පය බුරුලෙන් තබා                         වරෙන්
කැලණි ගඟේ ඔරු යනවා බලා                            වරෙන්
සාදුකාර දී ඔරුවක නැගී                                      වරෙන්

සූරිය උදාවන තුරු පිනි                                     බෑවිල්ල
පාරුව පදින තුරු ජලයේ                              සෙලවිල්ල
මාරුව බල බලා හිතයට                                කැරකිල්ල
කාරිය කෙරෙන තුරු කාගෙත්                         රැවටිල්ල

මාතර ගඟේ ඉන්නා කිඹුලිගෙ                             පැටියා
තල්ල සුදුයි බෙල්ලේ ගෝමර                            කැටියා
යන එන ඔරු පාරු නවතාගෙන                           සිටියා
මිනී නොකයි මාතර කිඹුලිගෙ                            පැටියා

මලේ මලේ තැඹිලිය වැන්න පොල්                     මලේ
රැලේ රැලේ මූදෙන් දමන දිය                              රැලේ
බලේ බලේ රාසිය දෙවියන්ගෙ                           බලේ
ගලේ කොටුව බැන්දයි තිරිකුණා                         මලේ

සස්සඳ සස්සඳ දිය මතුපිට තියේ                             මල
සස්සඳ සස්සඳ දිය පල්ලේ තියේ                             අල
වැස්සට පිනි බබා මෝරන කැකුළු                          මල
මස්ටකයින්ට මුතු කුඩයකි නෙළුම්                         මල

ගමන් යන්ඩ නැකතින් පාරු පැද    ගෙනේ

සමන් දෙවියන්ඩ පුද පඬුරු බැඳ    ගෙනේ

මෙවන් කළු ගගේ කඳු මුල් බලා    ගෙනේ

අපිත් යමුව සැම දෙවියන්ට වැඳ    ගෙනේ

දමා තැල්ල කරවට ගෝමර කැටියා
තමා බෙල්ල ගඟ පහළට රුව කැටියා
රුවන්වැල්ල ගඟ පිට අඟනක් සිටියා
නුඹම පල්ල මේ මුළු සක්වල වටියා

ගමන් යන්න නැකතින් පාරු පැද ගෙන

සමන් දෙවියන්ඩ පුද පඬුරු බැඳ ගෙන

මෙවන් කළු ගඟේ ගල් මුල් බලා ගෙන

අපිත් යමුව සැම දෙවියන්ඩ වැඳ ගෙන

සීරුව ඔබට කණු නො ම සිටුවා මහත

වාරුව ඇතුව දිය පිට තැනු ගෙයක් ඇත

මාරුව තැනින් තැන මඩු ගෙන ගමන් යත

පාරුව වැනි ගෙයක් මේ මුළු ලොවේ නැත

ඔන්න මලේ ඔය නාමල නෙළා වරෙන්

අත්ත බිදෙයි පය බුරුලෙන් තබා වරෙන්

කැලණි ගඟේ ඔරු යනවා බලා වරෙන්

සාදුකාර දී ඔරුවේ නැගී වරෙන්

මොට ද උපන්නේ මේ වියලුවේ රටේ

බැඳපු ගල් බැම්ම මයියංගණේ වටේ

ඔරුවට නැගීලා සුරතට ගත්තු රිටේ

පාරු පදින රුව බල වේරගං තොටේ

කතර ගමයි දේවාලය දෙවියන්ගේ

අතර මගයි අද අපි දිය නෑවේ ගඟේ

සතර දෙනයි ගැවේ රන් සඳුන් ඇගේ

වතුර හොඳයි කවදත් නිල්වලා ගඟේ

සීරුවේ ඇවිත් ඉඳගෙන පාරුවට

මාරුවේ හබල් අදනව විටින්විට

පූරුවෙ කරපු අකුසල් ගෙවන්නට

පාරුවේ ඇවිත් දුක් විඳිනව දැනට

මාතර ගඟේ ඉන්නා කිඹුලිගෙ පැටියා
තල්ල සුදුයි බෙල්ලේ ගෝමර කැටියා
යන එන ඔරු පාරු නවතාගෙන සිටියා
මිනී නොකයි මාතර කිඹුලිගෙ පැටියා

ගමන් යන්ඩ නැකතින් පාරු පැද ගෙනේ
සමන් දෙවියන්ඩ පුද පඬුරු බැඳ ගෙනේ
මෙවන් කළු ගගේ කඳු මුල් බලා ගෙනේ
අපිත් යමුව සැම දෙවියන්ට වැඳ ගෙනේ

ඔන්න මලේ ඔය නාමල නෙලා වරෙන්
අත්ත බිඳෙයි පය බුරුලෙන් තබා වරෙන්
කැළණි ගඟේ ඔරු යනවා බලා වරෙන්
සාධුකාර දී ඔරුවක නැගී වරෙන්

ගහක් කපාගෙන ඔරුවක් කොටා ගෙන
හබලක් හදාගෙන ගඟකට දමා ගෙන
එගොඩත් බලාගෙන මෙගොඩත් බලා ගෙන
කොළුවෙක් තෙමී ගෙන ඔරු පදි මුලා වෙන

මස්සිනාගෙ මගුලට මම රුහුණු ගියේ
ලස්සන ගමන් බඩු පටවා එන්ට ගියේ
පස්ස බලන කොට අඟුලක් ගිලී ගියේ
රත්තරන් ලියකි තෙලිකඩ ගඟේ ගියේ

වැල්ලේ පිපෙන බිම් මල වාසනාවන්
ගොල්ලේ පිපෙන පන් මල වාසනාවන්
අතු අග පිපෙන සපු මල වාසනාවන්
අපේ අම්මා ජාතිත් වාසනාවන්

එගොඩත් බැලිමි එගොඩත් දේදුන්න වගේ
මෙගොඩත් බැලිමි මෙගොඩත් දේදුන්න වගේ
දෙගොඩම බැලිමි දෙගොඩම දේදුන්න වගේ
පේරාදෙණියෙ පාලම දේදුන්න වගේ

එගොඩ ගොඩට යනකොට සූරියා වගේ
මෙගොඩ ගොඩට එනකොට බැබිල මල වගේ
දෑත දෙපය පෙරාපු රත්තරන් වගේ
උඔ නම් ලඳේ මට හිත ඇති කෙනෙක් වගේ