අම්මා ගියා රෑට කන්න
පලා මිටක් නෙළා ගන්න
එනවා මහ වැහි වහින්න
අම්මෙ අනේ ගෙදර එන්න
පියා ගියේ වැඩ කරන්න
වෙලේ නියරවල් බදින්න
එනවා මහ වැහි වහින්න
වහින්න පෙර ගෙදර එන්න
අක්කා ගියා දර කඩන්න
ඉදුණු හිබුටු අරන් එන්න
එනවා මහ වැහි වහින්න
හිබුටු එපා ගෙදර එන්න
අයියා ගියේ පොළට යන්න
බරටම බඩු රැගෙන එන්න
එනවා මහ වැහි වහින්න
අයියෙ, හනික ගෙදර එන්න
වැහි ඇදිරිය තද කරන්න
වැහිළිහිණින් පියාඹන්න
ගොරවා විදුලිය කොටන්න
එපා ටිකක් පමා වෙන්න
එච්. ඩී. ජයතිලක
No comments:
Post a Comment